ឯកឧត្តម ហុង សុហួរ
ប្រតិភូរាជរដ្ឋាភិបាលទទួល
បន្ទុកជា អគ្គនាយកនៃ
ផ្សារមូលបត្រកម្ពុជា
ក្នុងនាមជាសហគ្រាសសាធារណៈដែលរដ្ឋមានភាគហ៊ុនភាគច្រើន ផ្សារមូលបត្រកម្ពុជាបាន ទទួលភារកិច្ចបង្កើតនិងដាក់ឲ្យ ដំណើរការទីផ្សារមូលបត្រដំបូងបង្អស់នៅក្នុងព្រះរាជាណាចក្រកម្ពុជា។
ដើម្បីក្លាយទៅជាតួអង្គដ៏សំខាន់មួយនៅក្នុងវិស័យហិរញ្ញវត្ថុ និងដើម្បីបំពេញមុខងារជាប្រតិបត្តិករ ទីផ្សារមូលបត្រ ប្រតិបត្តិករ ប្រព័ន្ធផាត់ទាត់និងទូទាត់ និងប្រតិបត្តិកររក្សាទុកមូលបត្រ ប្រកបដោយប្រសិទិ្ធភាព ផ្សារមូលបត្រកម្ពុជានឹងបំពាក់នូវ ឧបករណ៍បច្ចេកវិទ្យាព័ត៌មានដ៏ទំនើប និងមាន បុគ្គលិកដែលមានសមត្ថភាពជាមួយនឹងការចូលរួមដោយផ្ទាល់ ពីអ្នកជំនាញកូរ៉េ ដែលត្រូវបានចាត់តាំង ដោយក្រុមហ៊ុនផ្សារមូលបត្រកូរ៉េ។
បេសកកម្មដ៏ចម្បងមួយរបស់យើងគឺបង្កើតឡើងនូវបរិយាកាសជួញដូរដែលប្រកបដោយ ភាពយុត្តិធម៌ តម្លាភាព និងភាពមាន អំណោយផលដល់វិនិយោគិន ទាំងក្នុងនិងក្រៅប្រទេសហើយក្នុង រយៈពេលមួយសមស្រប យើងនឹងបង្កើតនូវផលិតផលថ្មីៗ សម្រាប់អ្នកចូលរួមទីផ្សារទាំងអស់។
ក្នុងន័យនេះ យើងខ្ញុំសូមស្នើឲ្យមានការចូលរួមសហការពីសធារណជនទាំងអស់ ដើម្បីចែករំលែកនូវ ភាពជោគជ័យជាមួយយើងខ្ញុំ។
ផែនទីគេហទំព័រ
