សេចក្តីផ្តើម
ផ្សារមូលបត្រកម្ពុជា (ផមក) ជាប្រតិបត្តិករទីផ្សារតែមួយគត់ក្នុងព្រះរាជាណាចក្រកម្ពុជា ដែលមាននាទីចម្បងក្នុងការធានាតម្លាភាព និងបង្កើតបរិយាកាសការងារដែលមានភាពល្អប្រសើរដល់អ្នកចូលរួមក្នុងទីផ្សារជាពិសេសក្រុមហ៊ុនក្នុងស្រុកដែលត្រូវការមូលធនដើម្បីពង្រីកអាជីវកម្ម ព្រមជាមួយនឹងការការពារផលប្រយោជន៏របស់វិនិយោគិនជាតិ និងអន្តរជាតិផងដែរ។
ក្នុងនោះផងដែរ ទីផ្សារគោលគឺជាផ្សារដំបូងបង្អស់ត្រូវបានបង្កើតឡើង និងដាក់ឱ្យដំណើរការសម្រាប់ការចុះបញ្ជីរបស់ក្រុមហ៊ុនចុះបញ្ជីសក្តានុពលដែលមានស្តង់ដារ និងទំហំធំ។ ទីផ្សារនេះនឹងអនុញ្ញាតឱ្យក្រុមហ៊ុននាំយកភាគហ៊ុនទាំងអស់ក្រោយការបោះផ្សាយ មកចុះបញ្ជីនិងជួញដូរនៅក្នុងប្រព័ន្ធរបស់ ផមក ។
ក្នុងនោះផងដែរ ទីផ្សារគោលគឺជាផ្សារដំបូងបង្អស់ត្រូវបានបង្កើតឡើង និងដាក់ឱ្យដំណើរការសម្រាប់ការចុះបញ្ជីរបស់ក្រុមហ៊ុនចុះបញ្ជីសក្តានុពលដែលមានស្តង់ដារ និងទំហំធំ។ ទីផ្សារនេះនឹងអនុញ្ញាតឱ្យក្រុមហ៊ុននាំយកភាគហ៊ុនទាំងអស់ក្រោយការបោះផ្សាយ មកចុះបញ្ជីនិងជួញដូរនៅក្នុងប្រព័ន្ធរបស់ ផមក ។
លក្ខណវិនិច្ឆ័យចម្បងដែលគួរពិចារណាក្នុងការចុះបញ្ជី
| លក្ខខណ្ឌតម្រូវជាតួលេខ | |
| មូលធនភាគហ៊ុនិក | ≥ ៣០ពាន់លានរៀល (៧,៥លានដុល្លារ) |
| ប្រាក់ចំណេញសុទ្ធ | ≥ ២ពាន់លានរៀល (៥០០.០០០ដុល្លារ) នៃឆ្នាំសារពើពន្ធចុងក្រោយ និង ≥ ៣ពាន់លានរៀល (៧៥០.០០០ដុល្លារ) នៃប្រាក់ចំណេញសរុបសម្រាប់ រយៈពេល ២ (ពីរ) ឆ្នាំចុងក្រោយ |
| ភាគហ៊ុនិកកាន់កាប់ភាគហ៊ុនមានសិទ្ធិបោះឆ្នោតតិចជាង ១% | ≥ ២០០នាក់ និង ≥ ៧% នៃភាគហ៊ុនមានសិទ្ធិបោះឆ្នោតសរុប |
| របាយការណ៍ហិរញ្ញវត្ថុដែលបានធ្វើសវនកម្ម | ២ឆ្នាំ |
| លក្ខខណ្ឌតម្រូវមិនមែនជាតួលេខ | |
| ការផ្លាស់ប្តូរភាគហ៊ុនិកកាន់កាប់ភាគហ៊ុនមានសិទ្ធិបោះឆ្នោតច្រើនជាងគេ | មិនត្រូវមានការផ្លាស់ប្តូរភាគហ៊ុនិកកាន់កាប់ភាគហ៊ុនមានសិទ្ធិបោះឆ្នោតច្រើនជាងគេក្នុងរយៈពេល ១ឆ្នាំ រហូតដល់កាលបរិច្ឆេទចុះបញ្ជីជាផ្លូវការ។ |
| ការរក្សាទុកមូលបត្រ | មូលបត្រទាំងអស់ដែលបានបោះផ្សាយ ត្រូវដាក់ផ្ញើនៅប្រតិបត្តិកររក្សាទុកមូលបត្រនៃផ្សារមូលបត្រកម្ពុជា |
| ឡុកអាប់ភាគហ៊ុន | (អនុញ្ញាតឲ្យលក់ភាគហ៊ុនក្នុងកម្រិតអតិបរមា ៥០% សម្រាប់រយៈពេល៦ខែចុងក្រោយ) |
| អភិបាលកិច្ចសាជីវកម្ម | |
| ក្រុមហ៊ុនមហាជនទទួលខុសត្រូវមានកម្រិត
≥៦ខែនៃបទពិសោធន៍ការងារនៅក្នុងព្រះរាជាណាចក្រកម្ពុជា សហគ្រាសសាធារណៈ គណៈកម្មាធិការនៃក្រុមប្រឹក្សាភិបាល |
|
ដំណើរការនៃការចុះបញ្ជី
ភាគីពាក់ព័ន្ធក្នុងដំណើរការចុះបញ្ជី
សមាសភាពក្រុមការងារបោះផ្សាយលក់មូលបត្រកម្មសិទ្ធិជាសាធារណៈលើកដំបូងជាទូទៅរួមមានក្រុមហ៊ុនធានាទិញមូលបត្រ ក្រុមហ៊ុនមេធាវី ក្រុមហ៊ុនគណនេយ្យជំនាញ និងក្រុមហ៊ុនផ្តល់សេវាវាយតម្លៃ។ ក្រៅពីក្រុមកាងារបោះផ្សាយលក់មូលបត្រ លោកអ្នកក៏អាចស្នើសុំមក ផមក ដើម្បីជួយក្នុងដំណើរការនៃការបោះផ្សាយផងដែរ ដើម្បីប្រាកដថាក្រុមហ៊ុនទទួលបានព័ត៌មានគ្រប់គ្រាន់ទាក់ទងទៅនឹងដំណើរការនៃការបោះផ្សាយ និងចុះបញ្ជីមូលបត្រ។ លោកអ្នកអាចទទួលបានព័ត៌មានលម្អិតអំពីក្រុមហ៊ុនដែលទទួលបានការទទួលស្គាល់ និង/ឬអាជ្ញាបណ្ណក្នុងដំណើរការចុះបញ្ជីតាមរយៈគេហទំព័ររបស់ ផមក គឺ www.csx.com.kh/សមាជិក ឬគេហទំព័រផ្លូវការរបស់គណៈកម្មការ មូលបត្រកម្ពុជា (គ.ម.ក.) www.secc.gov.kh ។ ខាងក្រោមនេះគឺជាតួនាទី និងការទទួលខុសត្រូវមួយចំនួនរបស់ក្រុមការងារបោះផ្សាយលក់មូលបត្រកម្មសិទ្ធិជាសាធារណៈ។
-
ក្រុមហ៊ុនធានាទិញមូលបត្រដើរតួយ៉ាងសំខាន់ក្នុងការជួយសម្របសម្រួល និងសហការជាមួយសមាជិកក្រុមកាងារបោះផ្សាយលក់មូលបត្រផ្សេងទៀត ក្នុងការរៀបចំឯកសារពាក់ព័ន្ធ និងត្រួតពិនិត្យដំណើរការចុះបញ្ជីទាំងស្រុង រួមទាំងដំណាក់កាលនៃការបំពេញកាតព្វកិច្ចតាមផ្លូវច្បាប់ផងដែរ។
-
ក្រុមហ៊ុនមេធាវី ឬមេធាវីជាអ្នកផ្តល់ការប្រឹក្សាយោបល់លើបញ្ហាផ្លូវច្បាប់ទាំងអស់ដែលទាក់ទងទៅនឹងពាក្យស្នើសុំ និងឯកសារផ្តល់ព័ត៌មាន ជាពិសេសលើការពិនិត្យលើការបំពេញកាតព្វកិច្ចតាមច្បាប់របស់ក្រុមហ៊ុនដែលមានបំណងចុះបញ្ជី និងធ្វើការផ្ទៀងផ្ទាត់ឯកសារផ្សេងៗឱ្យបានត្រឹមត្រូវតាមការតម្រូវរបស់ច្បាប់។
-
ក្រុមហ៊ុនគណនេយ្យជំនាញនឹងជួយលោកអ្នកក្នុងការរៀបចំរបាយការណ៏ហិរញ្ញវត្ថុ និងព័ត៌មានតាមលក្ខខណ្ឌតម្រូវក្នុងឯកសារផ្តល់ព័ត៌មានរបាយការណ៍ហិរញ្ញវត្ថុរបស់ក្រុមហ៊ុន អនុវត្តតាមស្តង់ដាររបាយការណ៍ទាក់ទងនឹងហិរញ្ញវត្ថុអន្តរជាតិនៃកម្ពុជា ច្បាប់ និងបទប្បញ្ញត្តិពាក់ព័ន្ធផ្សេងៗ។
-
លោកអ្នកចាំបាច់ត្រូវជ្រើសរើសក្រុមហ៊ុនវាយតម្លៃ ឬបុគ្គលវាយតម្លៃឯករាជ្យ ប្រសិនបើក្រុមហ៊ុនកាន់កាប់ទ្រព្យសម្បត្តិ ដីធ្លី ឬបរិក្ខារដែលត្រូវវាយតម្លៃឡើងវិញ។ ក្រុមហ៊ុនវាយតម្លៃត្រូវរៀបចំរបាយការណ៍វាយតម្លៃដែលជាផ្នែកមួយនៃដំណើរការចុះបញ្ជី។
- ថ្លៃសេវាសម្រាប់ការពិនិត្យលើលទ្ធភាពអាចចុះបញ្ជីលក់មូលបត្រកម្មសិទ្ធិ
- • ថ្លៃសេវាលើការពិនិត្យលទ្ធភាពអាចចុះបញ្ជីសម្រាប់ទីផ្សារគោល ចំនួន ៤.០០០.០០០ រៀល
- • ថ្លៃសេវាលើការពិនិត្យលទ្ធភាពអាចចុះបញ្ជីសម្រាប់ទីផ្សារកំណើន ចំនួន ២.០០០.០០០ រៀល
- ថ្លៃសេវាសម្រាប់ការចុះបញ្ជីលក់មូលបត្រកម្មសិទ្ធិ
មូលធនូបនីយកម្មទីផ្សារសរុប ថ្លៃសេវា ពី ០ ៛ ដល់ ១២.០០០.០០០.០០០ ៛ ១០.០០០.០០០ ៛ ពី ១២.០០០.០០០.០០១ ៛ ដល់ ៤០.០០០.០០០.០០០ ៛ ០,០៣០% ពី ៤០.០០០.០០០.០០១ ៛ ដល់ ២០០.០០០.០០០.០០០ ៛ ០,០២៥% ពី ២០០.០០០.០០០.០០១ ៛ ដល់ ៤០០.០០០.០០០.០០០ ៛ ០,០១៥% លើសពី ៤០០.០០០.០០០.០០០ ៛ ០,០១០% - ថ្លៃសេវាចុះបញ្ជីលក់មូលបត្រកម្មសិទ្ធិប្រចាំឆ្នាំ
មូលធនូបនីយកម្មទីផ្សារសរុប ថ្លៃសេវា ពី ០ ៛ ដល់ ១២.០០០.០០០.០០០ ៛ ៣.០០០.០០០ ៛ ពី ១២.០០០.០០០.០០១ ៛ ដល់ ៤០.០០០.០០០.០០០ ៛ ០,០២០% ពី ៤០.០០០.០០០.០០១ ៛ ដល់ ២០០.០០០.០០០.០០០ ៛ ០,០១៥% លើសពី ២០០.០០០.០០០.០០០ ៛ ០,០០៥% 
ថ្លៃសេវាផ្សេងៗ
- • កម្រៃសេវាធានាទិញមូលបត
- • កម្រៃសេវាសវនកម្ម
- • កម្រៃសេវាវាយតម្លៃទ្រព្យសកម្ម
- • កម្រៃសេវាផ្នែកច្បាប់
- • ផ្សេងៗ
ថ្លៃសេវាចុះបញ្ជីលក់មូលបត្រ
