- អ្វីទៅដែលហៅថាការចុះបញ្ជី?
ការចុះបញ្ជី គឺជាដំណើរការដែលអនុញ្ញាតឲ្យក្រុមហ៊ុនមួយយកភាគហ៊ុនទាំងអស់របស់ខ្លួន មកចុះបញ្ជីនៅលើផ្សារមូលបត្រកម្ពុជា (ផ.ម.ក.)។ ផ្សារមូលបត្រកម្ពុជា (ផ.ម.ក.)ស្វាគមន៍នូវរាល់សំណើសុំព័ត៌មានពីសំណាក់បុគ្គល ក៏ដូចជាក្រុមហ៊ុនដែលមានបំណងស្វែងយល់អំពីផលប្រយោជន៍នៃការចុះបញ្ជីនៅផ្សារមូលបត្រកម្ពុជា (ផ.ម.ក.)។
- ផលប្រយោជន៍នៃការចុះបញ្ជីនៅ ផ.ម.ក.
- ភាពងាយស្រួលក្នុងការប្រមូលមូលធន និងកាលានុវត្តភាពនៃការធ្វើហិរញ្ញប្បទាននាពេលអនាគត៖
- ការរបោះផ្សាយជាសាធារណៈ ផ្តល់ឲ្យក្រុមហ៊ុនលោកអ្នកនូវកាលានុវត្តភាពហិរញ្ញប្បទានផ្នែកទ្រព្យកម្មសិទ្ធិ ដើម្បីធ្វើឲ្យអាជីវកម្មកាន់តែលូតលាស់ តាមរយៈការពង្រីកដំណើរការអាជីវកម្ម រហូតដល់ការទិញយកក្រុមហ៊ុនជាដើម។ ក្រុមហ៊ុនដែលបានចុះបញ្ជីមូលបត្រ តែងតែទទួលបាននូវលក្ខខណ្ឌល្អប្រសើរ នៅពេលស្នើសុំឥណទានពីស្ថាប័នហិរញ្ញវត្ថុនានា។
- ស្ថានភាពជាក្រុមហ៊ុនសាធារណៈ និងទិស្សមានភាព៖
- ជាក្រុមហ៊ុនសាធារណៈផ្តល់នូវភាពខុសគ្នាទាំងស្រុងចំំពោះកិត្តិយស និងទស្សនៈវិស័យទៅកាន់វិនិយោគិនក៏ដូចជាដៃគូអាជីវកម្ម។ វាផ្តល់ដល់ក្រុមហ៊ុននូវកម្លាំងក្នុងកិច្ចការងារចរចារ និងធ្វើឲ្យមានទំនុកចិត្តដល់ដៃគូអាជីវកម្ម និងសាធារណៈជន។
- ការក្លាយជាក្រុមហ៊ុនសាធារណៈ នឹងធ្វើឲ្យក្រុមហ៊ុនកាន់តែទទួលបានចំណាប់អារម្មណ៍ពីសំណាក់សាធារណៈជន ព្រោះជាទូទៅក្រុមហ៊ុនចុះបញ្ជីត្រូវបានសាធារណៈជនគិតថា មានភាពរឹងមាំផ្នែកហិរញ្ញវត្ថុ និងមានកម្រិតស្តង់ដារនៃតម្លាភាព និងការផ្តល់ព័ត៌មានខ្ពស់។ ការក្លាយជាក្រុមហ៊ុនសាធារណៈ នឹងលើកតម្កើងនូវកេរ្តិ៍ឈ្មោះរបស់ក្រុមហ៊ុនឲ្យកាន់តែទទួលបានការជឿជាក់ពីសំណាក់វិនិយោគិន និងសាធារណៈជន ព្រមទាំងបង្កើនថាមពល និងឆ្លុះបញ្ចាំងជាវិជ្ជមានចំពោះផលិតផល និងសេវាកម្មរបស់ខ្លួន។ នៅពេលដែលក្រុមហ៊ុនលោកអ្នកបោះផ្សាយលក់មូលបត្រជាសាធារណៈ ក្រុមហ៊ុនរបស់លោកអ្នកនឹងត្រូវបានផ្សព្វផ្សាយដោយផ្ទាល់ ឬប្រយោលតាមរយៈអ៊ីនធើណេត ឬប្រព័ន្ធផ្សព្វផ្សាយនានា។ វានឹងផ្តល់ឲ្យក្រុមហ៊ុនលោកអ្នកនូវកិត្តិស័ព្ទដ៏ល្អ និងប្រកបដោយភាពជឿជាក់ទៅកាន់សាធារណៈជន។
- ភាពដែលអាចជួញដូរបាននៅលើទីផ្សារ និងសន្ទីយភាពនៃមូលបត្រ៖
- ការក្លាយជាក្រុមហ៊ុនសាធារណៈមានន័យថា គឺជាការបង្កើត និងបង្កើនសន្ទីយភាពសម្រាប់មូលបត្ររបស់ក្រុមហ៊ុន ព្រមទាំងធ្វើឲ្យមូលបត្រទាំងនោះបង្កើននូវការទាក់ទាញដល់វិនិយោគិន។
- ការបោះផ្សាយលក់ជាសាធារណៈអាចជាផ្នែកមួយនៃយុទ្ធសាស្រ្តនៃការចាកចេញមួយ ចំពោះម្ចាស់អាជីវកម្មដែលមានបំណងចាកចេញពីអាជីកម្មបច្ចុប្បន្នរបស់ខ្លួន។
- បន្ថែមលើនេះទៅទៀត ការក្លាយជាក្រុមហ៊ុនចុះបញ្ជី អាចនាំឲ្យសាធារណៈជនវាយតម្លៃទៅលើមូលបត្ររបស់ក្រុមហ៊ុននោះ ខ្ពស់ជាងមូលបត្ររបស់ក្រុមហ៊ុនមួយដែលមិនទាន់បានចុះបញ្ជី និងមិនទាន់បានជួញដូរនៅទីផ្សារមូលបត្រ។
- បង្កើនកម្លាំងចិត្តរបស់បុគ្គលិក និងផលិតភាព៖
- ការទទួលស្គាល់កាន់តែច្រើន និងយល់ដឹងពីសាធារណៈជន ធ្វើឲ្យបុគ្គលិកមានមោទនភាពក្នុងនាមជាបុគ្គលិករបស់ក្រុមហ៊ុនដែលបានចុះបញ្ជី ហើយវាក៏ជួយលើកទឹកចិត្តដល់បុគ្គលិកឲ្យប្រឹងប្រែងធ្វើការងារថែមទៀតផង។ ជាលទ្ធផល វាផ្តល់នូវភាពងាយស្រួលក្នុងការរក្សាបុគ្គលិកដែលមានស្រាប់ និងទាក់ទាញបុគ្គលិកថ្មីបន្ថែមទៀត។
- ការលើកទឹកចិត្តផ្នែកពន្ធក្នុងវិស័យមូលបត្រ៖
- ក្រុមហ៊ុនចុះបញ្ជីនឹងទទួលបានផលប្រយោជន៍ពីការកាត់បន្ថយពន្ធ ដោយយោងទៅលើអនុក្រឹត្យស្តីពី
ការលើកទឹកចិត្តពន្ធដារក្នុងវិស័យមូលបត្រ។ ក្រុមហ៊ុននឹងត្រូវបានកាត់បន្ថយពន្ធលើប្រាក់ចំណេញចំនួន ១០% លើប្រាក់ពន្ធសរុបដែលត្រូវបង់ក្នុងរយៈពេល ៣ឆ្នាំដំបូងរបស់ខ្លួន។
- ដ្យាក្រាមតំណាក់កាលនៃការចុះបញ្ជី
-
ផែនទីគេហទំព័រ
