ឯកឧត្តមបណ្ឌិតសភាចារ្យ
ហ៊ាន សាហុឹប
ប្រធានក្រុមប្រឹក្សាភិបាល
ដើម្បីឈានមួយជំហានទៀតនៅក្នុងការអនុវត្ត យុទ្ធសាស្រ្តអភិឌ្ឍន៏វិស័យហិរញ្ញវត្ថុក្នុងឆ្នាំ២០០៦-២០១៥ រាជរដ្ឋាភិបាលកម្ពុជា បានសម្រេចបង្កើត ផ្សារមូលបត្រកម្ពុជា ដែលជាសហគ្រាសសាធារណៈ ដែល ៥៥%នៃភាគហ៊ុនសរុបត្រូវបានកាន់កាប់ ដោយរាជរដ្ឋាភិបាលកម្ពុជា ហើយភាគហ៊ុនដែលនៅសល់ កាន់កាប់ដោយក្រុមហ៊ុនផ្សារមូលបត្រកូរ៉េ ដែលជាប្រតិបត្តិករ ទីផ្សារមូលបត្រដ៏ល្បីល្បាញនៃសាធារណរដ្ឋ កូរ៉េ។
ភារកិច្ចចម្បងរបស់ផ្សារមូលបត្រកម្ពុជា គឺដើម្បីបង្កើត និងដាក់ឲ្យដំណើរការទីផ្សារមូលបត្រប្រព័ន្ធផាត់ទាត់ និងទូទាត់ មូលបត្រ និងប្រព័ន្ធរក្សាទុកមូលបត្រ ស្របតាមច្បាប់ស្តីពីការបោះផ្សាយ និងជួញដូរមូលបត្រមហាជន និងបទប្បញ្ញត្តិដែលពាក់ពន្ធ័។
ដោយមានការគាំទ្រពេញលេញពីសំណាក់រាជរដ្ឋាភិបាលកម្ពុជា ក្រសួងសេដ្ឋកិច្ច និងហិរញ្ញវត្ថុ ព្រមទាំងគណៈកម្មការមូលបត្រកម្ពុជា យើងបេ្តជ្ញារៀបចំឲ្យបាន នូវបរិយាកាសជួញដូរដែលអំណោយផល សម្រាប់អ្នកចូលរួមទីផ្សារទាំងអស់ និងប្រែក្លាយ ទីផ្សារមូលបត្រកម្ពុជា ទៅជាច្រកហិរញ្ញប្បទានចម្បង របស់កម្ពុជា។
ដូច្នេះសូមចូលរួមជាមួយយើងខ្ញុំដើម្បីអភិវឌ្ឍវិស័យមូលបត្ររបស់កម្ពុជា។
ផែនទីគេហទំព័រ
